എസ് പി സി ക്യാമ്പ് (01/01/2026)

 എസ് പി സിയുടെ മൂന്ന് ദിവസത്തെ ക്രിസ്തുമസ് അവധികാല ക്യാമ്പിന് പുതുവർഷത്തിൽ തുടക്കമായി. കോടോം ബേളൂർ ഗ്രാമപഞ്ചായത്ത് പതിനൊന്നാം വാർഡ് മെമ്പർ ശ്രീ ടി പി ഫാറുഖ് ക്യാമ്പ് ഉത്ഘാടനം ചെയ്തു. പി ടി എ പ്രസിഡന്റ് ശ്രീ എ വി മധു അധ്യക്ഷത വഹിച്ചു. അമ്പലത്തറ സ്റ്റേഷൻ എസ് എച്ച് ഒ ശ്രീ വിപിൻ യു പി മുഖ്യാതിഥിയായി. മദർ പി ടി എ പ്രസിഡന്റ് ശ്രീമതി അമ്പിളി സജീവൻ, സ്റ്റാഫ് സെക്രട്ടറി ശ്രീമതി റീന, ഡ്രിൽ ഇൻസ്ട്രക്ടർ ശ്രീ ഷിബു നാരായണൻ. എ സി പി എ സജിന ടീച്ചർ എന്നിവർ ആശംസകളർപ്പിച്ച് സംസാരിച്ചു. ഹെഡ്മാസ്റ്റർ ശ്രീ കെ സന്തോഷ് സ്വാഗതവും സി പി ഒ നിഷാന്ത് രാജൻ ചടങ്ങിന് നന്ദിയും പറഞ്ഞു. ആദ്യ സെഷനായ പി ടി പരിശീലനത്തിന് ഡി ഐ ഷിബു നാരായണൻ , ഡി ഐ ശ്രീമതി നിത്യ എന്നിവർ നേത‍ൃത്വം നല്കി. തുടർന്നുള്ള ഐസ് ബ്രേക്കിങ്ങ് സെഷൻ ശ്രീ മ‍ൃദുൽ കൈകാര്യം ചെയ്തു. ഉച്ചയ്ത്ത് ശേഷം വിദ്യാർത്ഥികളിൽ ആരോഗ്യശീലവും കായികക്ഷമതയും വളർത്തുന്നതിന് ഫിറ്റ്നസ് അവയെർനസ് ക്ലാസ്സ് സംഘടിപ്പിച്ചു. സർട്ടിഫൈഡ് ട്രെയിനർമാരായ ശ്രീ റീഷാദ്, വൈഷ്ണു എന്നിവർ വേതൃത്വം നല്കി. രണ്ടാം ദിവസത്തെ ആദ്യ സെഷൻ "ഇക്വാലിറ്റി "എന്ന വിഷയത്തെ അസ്പദമാക്കി പ്രശസ്ത സൈക്കോളജിസ്റ്റും മെന്റലിസ്റ്റുമായ ശ്രീ സനൽ പാടിക്കാനം കൈകാര്യം ചെയ്തു. രണ്ടാം സെഷൻ "ഇൻക്ലൂസീവ് എജുക്കേഷൻ"എന്ന വിഷയത്തിൽ ശ്രീ അമൽ ജോർജ്ജ് ക്ലാസ്സ് കൈകാര്യം ചെയ്തു. കുട്ടികളിൽ സാമുഹ്യ ബോധവും സഹാനുഭൂതിയും വളർത്തുന്നതായിരുന്നു ഈ സെഷൻ. മൂന്നാം ദിവസം "സൈബർ അവയെർനെസ്" എന്ന വിഷയത്തിൽ അമ്പലത്തറ പോലീസ് സ്റ്റേഷനിലെ ശ്രീ പ്രമോദ് ക്ലാസ്സ് കൈകാര്യം ചെയ്തു. തുടർന്ന് ശ്രീമതി നിത്യ "ജെൻഡർ ഇക്വാലിറ്റി" എന്ന വിഷയത്തിൽ ക്ലാസ്സ് എടുത്തു. തുടർന്ന് ക്യാമ്പസ് ക്ലീനിങ്ങ് നടത്തി. കുട്ടികളുടെ വിവിധ കൾച്ചറൽ പരിപാടികളോടെ മൂന്നാം ദിവസം ക്യാമ്പിന് സമാപനമായി.

കാരുണ്യ സ്പർശവുമായി സീഡ് കുട്ടികൾ

 നാടെങ്ങും ക്രിസ്തുമസിനെ വരവേൽക്കാനൊരുങ്ങവേ കാലിച്ചാനടുക്കം സ്കൂളിലെ സീഡംഗങ്ങൾ ജീവോദയ buds സ്കൂളിലെ കുട്ടികളെ സന്ദർശിക്കാനെത്തി. നാല്പത്തി എട്ടോളം ശാരീരിക, മാനസീക വെല്ലുവിളികളുളളവരാണ് ഇവിടുള്ളത്. 10 വയസ്സു മുതൽ 35 വരെ പ്രായമുള്ളവർ വരെ ഇവിടെ എത്തി അവരുടെ വൈകല്യങ്ങൾ മറന്ന് സർഗ്ഗാത്മകതയുടേയും അതിജീവനത്തിന്റേയും പാതയിലൂടെ സഞ്ചരിക്കുന്നു. കുട്ടികൾ നൽകിയ കളർ പേപ്പർ ക്രിസ്തുമസ് സമ്മാനം ശ്രീമതി ലിസ്സി ജേക്കബ്, (മാനേജർ ), ജോസ് കൊട്ടാരം (ജീവോദയ ചാരിറ്റബിൾ ട്രസ്റ്റ് ചെയർമാൻ), ശ്രീമതി ശാലിനി (ജീവോദയ buds school പ്രിൻസിപ്പാൾ) എന്നിവർ ഏറ്റുവാങ്ങി. സീഡ് കുട്ടികളുടെ വകയായി മധുരവിതരണവും നടത്തി. സീഡ് ക്ലബ് കൺവീനർ റീന വി , പരിസ്ഥിതി ക്ലബ്ബ് കൺവീനർ സീനിയ ജോസഫ് എന്നിവർ നേതൃത്വം നൽകി

ശ്രീനന്ദ സംസ്ഥാനതലത്തിലേക്ക്

 ജി വി എച്ച് എസ് എസ് മൊഗ്രാലിൽ വച്ച് നടന്ന ജില്ലാ കലോത്സവത്തിൽ ഹൈസ്കൂൾ വിഭാഗം മലയാളം ഉപന്യാസ രചനാ മത്സരത്തിൽ ഒൻപതാം ക്ലാസ്സിലെ ശ്രീനന്ദ കെ ഒന്നാം സ്ഥാനം നേടി സംസ്ഥാന തലത്തിലേക്ക് യോഗ്യത നേടി. അതോടൊപ്പം യു പി വിഭാഗം മലയാളം കഥാരചനാ മത്സരത്തിൽ സൗഭാഗ്യ എം വി എ ഗ്രേഡ് നേടി.

മോട്ടിവേഷൻ ക്ലാസ്സ്(03/12/2025)

 2026 മാർച്ചിൽ എസ് എസ് എൽ സി പരീക്ഷ എഴുതുന്ന വിദ്യാർത്ഥികൾക്കും അവരുടെ രക്ഷിതാക്കൾക്കുമായി ഡിസംബർ 3 ബുധനാഴ്ച ഉച്ചയ്ക്ക് 2 മണിക്ക് മോട്ടിവേഷൻ ക്ലാസ്സ് സംഘടിപ്പിച്ചു. പ്രശസ്ത മോട്ടിവേറ്ററും ട്രെയിനറും സംസ്ഥാന അധ്യാപക അവാർഡ് ജോതാവുമായ ശ്രീ നിർമ്മൽ കുമാർ കാടകം ക്ലാസ്സ് കൈകാര്യം ചെയ്തു. മികച്ച പാരന്റിങ്ങ് എങ്ങിനെയായിരിക്കണമെന്നും കുട്ടികൾക്ക് എങ്ങിനെ നന്നായി പരീക്ഷയക്ക് തയ്യാറെടുക്കാമെന്നും ക്ലാസ്സിൽ വിശദീകരിച്ചു. ശ്രീ പത്മനാഭൻ മാസ്റ്റർ സ്വഗതവും ശ്രീ ശ്രീജിത്ത് മാസ്റ്റർ നന്ദിയും പറഞ്ഞു.

"ഓറഞ്ച് ദ വേൾഡ് ക്യാമ്പയിൻ 2025"

 സ്ത്രീകൾക്കും കുട്ടികൾക്കും നേരെയുള്ള അതിക്രമങ്ങൾക്കും ലിംഗവിവേചനങ്ങൾക്കും എതിരെയുള്ള ഒരു അന്താരാഷ്ട്ര പ്രചരണമാണ് "ഓറഞ്ച് ദ വേൾഡ് ക്യാമ്പയിൻ". വനിതാ ശിശുവികസന വകുപ്പിന്റെ നേത‍ൃത്വത്തിൽ സ്കൂളിലും 26/11/2025 ന് ആചരിച്ചു. സ്കൂൾ സൈക്കോ സോഷ്യൽ ക്ലബ്ബിന്റെ ആഭിമുഖ്യത്തിൽ സൈക്കോ സോഷ്യൽ സ്കൂൾ കൗൺസിലർ ശ്രീമതി ഉണ്ണിമായ കെ വി സ്ത്രീധന നിരോധന നിയമവുമായി ബന്ധപ്പെട്ട് യു പി, ഹൈസ്കൂൾ ക്ലാസ്സിലെ അവബോധ ക്ലാസ്സ് സംഘടിപ്പിച്ചു. തുടർന്ന് സ്ത്രീധന നിരോധന പ്രതിജ്ഞ എടുത്തു. 

 

വിദ്യാർത്ഥി ഹരിതസേന സ്കോളർഷിപ്പ് --ഇക്കോ സെൻസ്

മാലിന്യ സംസ്കരണവും പരിസ്ഥിതി സംരക്ഷണവും സംബന്ധിച്ച് വിദ്യാർത്ഥികളിൽ ശാസ്ത്രീയമായ മാലിന്യ പരിപാലന മനോഭാവം വളർത്തുന്നതിനും സമൂഹത്തിൽ ശുചിത്വബോധവും സുസ്ഥിരവികസനത്തിനുള്ള പ്രതിബദ്ധതയും മനോഭാവവും ഉറപ്പാക്കുന്നതിനുമായി തദ്ദേശ സ്വയംഭരണ വകുപ്പിന്റെ നേതൃത്വത്തിൽ സ്കൂൾ വിദ്യാർത്ഥികൾക്കായി നടത്തുന്ന സ്കോളർഷിപ്പ് പദ്ധതിയുടെ ഭാഗമായി സ്കൂളിൽ ഹരിതസഭ സംഘടിപ്പിച്ചു. വിദ്യാർത്ഥികൾ അവരുടെ ആശയങ്ങളും അവർ മാലിന്യ സംസ്കരണത്തിനായി വീടുകളിൽ നടത്തുന്ന പ്രവർത്തനങ്ങളും വിശദീകരിച്ചു. ഈ സ്കോളർഷിപ്പ് പദ്ധതിയിൽ യുപി വിഭാഗത്തിൽ നിന്നും ആഗ്നിക അനീഷ്6A, ദിയ ശ്രീനാഥ് 7B, എന്നിവരും ഹൈസ്കൂൾ വിഭാഗത്തിൽ നിന്നും അഭിരാജ് കെ 9A, അനിക കെ 9A എന്നിവരും വിജയിച്ചു. ഹെഡ്മാസ്റ്റർ സന്തോഷ് സാറിന്റെ നേതൃത്വത്തിൽ നടന്ന ഈ പരിപാടിയിൽ സീനിയർ അസിസ്റ്റന്റ് പത്മനാഭൻ സാർ ,സ്റ്റാഫ് സെക്രട്ടറി റീന ടീച്ചർ,പ്രമോദിനി ടീച്ചർ,ഹരിത സഭ കോഡിനേറ്ററായ സീനിയ ടീച്ചർ,റീന ടീച്ചർ,കൃഷ്ണപ്രിയ ടീച്ചർ,സന്ധ്യ ടീച്ചർ എന്നിവർ പിന്തുണ നൽകി. വിജയികൾക്കും പങ്കെടുത്ത എല്ലാ കുട്ടികൾക്കും അഭിനന്ദനങ്ങൾ നേരുന്നു.

ശിശുദിനാഘോഷം

 ഈ വർഷത്തെ ശിശുദിനം വിവിധ പരിപാടികളോടെ സമുചിതമായി ആഘോഷിച്ചു. പ്രീപ്രൈമറി കുട്ടികളുടെ വർണ്ണാഭമായ ശിശുദിന റാലിക്ക് ശ്രീമതി ശ്രീജ, വിനീത, ഷെമീറ, സിന്ധു, സൂസമ്മ എന്നിവർ നേതൃത്വം നല്കി. ഹെഡ്മാസ്റ്റർ കെ സന്തോഷ് ശിശുദിന സന്ദേശം നല്കി. കുമാരി അനഘ, ദിയ ശ്രീനാഥ് എന്നിവർ ശിശുദിനത്തിന്റെ പ്രാധാന്യത്തെകുറിച്ച് സംസാരിച്ചു. തുടർന്ന് കുട്ടികളുടെ വിവധകലാപരിപാടികൾ അരങ്ങേറി. ബുൾബുൾ കുട്ടികളുടെ ഡിസ്‍പ്ലേയും ഉണ്ടായിരുന്നു. തുടർന്ന് സ്റ്റാഫിന്റെ വകയായി കുട്ടികൾക്ക് മധുരം നല്കി.

കേരള ഗ്രാമീൺ ബാങ്ക് കസേരകൾ സംഭാവന ചെയ്തു.

 സ്കൂൾ ഓഡിറ്റോറിയത്തിലേക്ക് കേരള ഗ്രാമീൺ ബാങ്ക് അവരുടെ സി എസ് ആർ ഫണ്ടിൽ നിന്നും 100 കസേരകൾ സംഭാവന ചെയ്തു. ചടങ്ങിൽ പി ടി എ പ്രസിഡന്റ് എ വി മധു അധ്യക്ഷത വഹിച്ചു. കേരള ഗ്രാമീൺ ബാങ്ക് റീജിയണൽ മാനേജർ കസേരകൾ ഹെഡ്മാസ്റ്റർക്ക് കൈമാറി. കാലിച്ചാനടുക്കം ബാങ്ക് മാനേജർ ശ്രീ രാമചന്ദ്രൻ, എസ് എം സി ചെയർമാൻ ശ്രീ ഫാറൂഖ്, സീനിയർ അസിസ്റ്റന്റ് കെ വി പത്മനാഭൻ‍, എന്നിവർ സംസാരിച്ചു. ഹെഡ്മാസ്റ്റർ കെ സന്തോഷ് സ്വാഗതവും സ്റ്റാഫ് സെക്രട്ടറി ശ്രീമതി റീന നന്ദിയും പറഞ്ഞു.

സബ്‌ജില്ലാ കലോത്സവത്തിൽ കാലിച്ചാനടുക്കത്തിന് മികച്ച വിജയം

 2025 ഒക്ടോബർ 28 മുതൽ നവംബർ 1 വരെ കോടോത്ത് അംബേദ്കർ ഹയർ സെക്കന്ററി സ്കൂളിൽ വച്ച് നടന്ന ഹൊസ്ദുർഗ് ഉപജില്ലാ കലോത്സവത്തിൽ കാലിച്ചാനടുക്കം ഗവ. ഹൈസകൂൾ മിികച്ച നേട്ടം കരസ്ഥമാക്കി. എൽ പി വിഭാഗത്തിൽ 51 പോയിന്റുകളും, യു പി വിഭാഗത്തിൽ 52 പോയിന്റും ഹൈസ്കൂൾ വിഭാഗത്തിൽ 82 പോയിന്റും നേടി. എൽ പി അറബിക് 37 പോയിന്റും, യു പി വിഭാഗത്തിൽ 50 പോയിന്റുംനേടി. എച്ച് എസ് വിഭാഗം അറബിക് കലോത്സവത്തിൽ 80 പോയിന്റോടെ മൂന്നാം സ്ഥാനം കരസ്ഥമാക്കി. എൽ പി ആക്ഷൻ സോങ്ങ് (മല) - ദക്ഷ ശ്രീനാഥ് - എ ഗ്രേഡ്, എൽ പി ആക്ഷൻ സോങ്ങ് (ഇംഗ്ലീഷ്) - ദക്ഷ ശ്രീനാഥ് - എ ഗ്രേഡ്, എൽ പി പെൻസിൽ ഡ്രോയിങ്ങ് ആദിശങ്കർ എ എം - ഓ ഗ്രേഡ്, എൽ പി കഥാകഥനം- ശ്രീതുകൃഷ്ണ - എ ഗ്രേഡ്, എൽ പി ഗ്രൂപ്പ് ഡാൻസ്- മൈത്രേയി, ശിവബാല, അമേയ, ആർജ, ഗീതിക, ആവണി, ദേവനന്ദ- എഗ്രേഡ്, എൽ പി നാടോടി ന‍ൃത്തം-ആർജ- എ ഗ്രേഡ്, ഇംഗ്ലീഷ് പദ്യം ചൊല്ലൽ- മൈത്രേയി - എ ഗ്രേഡ്, അറബിക് ആക്ഷൻ സോങ്ങ്- മൈത്രേയി- എ ഗ്രേഡ്, അറബിക് പദ്യം- മിൻഹ ഷെറിൻ- എ ഗ്രേഡ്, കഥപറയൽ (അറബിക്)- മിൻഹ ഷെറിൻ- എ ഗ്രേഡ്, കടങ്കഥ- നിർമ്മൽ പി സുബ്രഹ്മണ്യം- സി ഗ്രേഡ് യു പി നാടോടി നൃത്തം- ശീതൽകൃഷ്ണ- എ ഗ്രേഡ്, കന്നട പദ്യം ചൊല്ലൽ- അഗ്നിക അനീഷ് - എ ഗ്രേഡ് , കവിതാ രചന(മല)- ആഗ്നേയ പി, പദ്യംചൊല്ലൽ (മല)- ആരാധ്യ പി, ഗദ്യവായന (അറബിക്)- അസ്മിയ, ഖുറാൻ പാരായണം- ഫാത്തിമത്ത് സഹ്റ- എ ഗ്രേഡ്, പെൻസിൽ ഡ്രോയിങ്ങ്- ശ്രേയ പി - എ ഗ്രേഡ്, തർജമ( അറബിക്)- മുഹാവിദ് എൻ പി, ഹിന്ദി പദ്യം ചൊല്ലൽ- ദിയ ശ്രീനാഥ്- എ ഗ്രേഡ്, കഥാരചന(മല)- സൗഭാഗ്യ എം വി- ഫസ്റ്റ് എ ഗ്രേഡ്, പദകേളി (അറബിക്)- ഫാത്തിമത്ത് സഹ്റ- എ ഗ്രേഡ് എച്ച് എസ്- നാടോടി ന‍ൃത്തം- അദിഷ ഷാനു- എ ഗ്രേഡ്, ഇംഗ്ലീഷ് കവിതാരചന- ഇവാനിയ കെ വി- എ ഗ്രേഡ്, ലളിതഗാനം- സ്വരനന്ദ സുനിൽ എ ഗ്രേഡ്, പദ്യംചൊല്ലൽ- സ്വരനന്ദ സുനിൽ- എ ഗ്രേഡ്, കഥാരചന(മല)-സഞ്ജയ് എം, ഉപന്യാംസ (ഇംഗ്ലീഷ്)- മെസ്സിൻ സജി- എ ഗ്രേഡ്, കഥാരചന (ഹിന്ദി)- ദിയാ പ്രേം- ബി ഗ്രേഡ്, കവിതരചന(മല)- സ‍ഞ്ജയ്- ബി ഗ്രേഡ്, ഉപന്യാസം (മല)- ശ്രീനന്ദ കെ - ഫസ്റ്റ് എ ഗ്രേഡ്, എച്ച് എസ് അറബിക്- ഖുറാൻ പാരായണം- നെഷ്വ നൗഷാദ്- എ ഗ്രേഡ്, മോണോ ആക്ട്- റിസ്ല - എ ഗ്രേഡ്, ഗ്രൂപ്പ് സോങ്ങ്- ഫാത്തിമ എ, നെഷ്വ നൗഷാദ്, ഹന ഫാത്തിമ, ഹന സുൾഫ, ഫാത്തിമ സൽവ, ഷിഫ, നൂറിയ- എ ഗ്രേഡ്, പ്രസംഗം (യു പി)- ഫാത്തിമ സജ്‍വ- എ ഗ്രേഡ്, അറബിക് പദ്യം (യു പി)- ഷിഫ - എ ഗ്രേഡ്, ഖുറാൻ പാരായണം(യു പി)- ഫാത്തിമ സഹ്റ- എഗ്രേഡ്, സംഭാഷണം( യു പി) - ഫാത്തിമ ബിൻത്ത് മുനീർ, ഫാത്തിമത്ത് സജ്‍വ- എ ഗ്രേഡ്, സംഭാഷണം- റുഖിയ നൈല നിലോഫർ, അമ‍ൃത്തുന്നീസ- എ ഗ്രേഡ്, അറബിക് പദ്യം ചൊല്ലൽ-മിൽഹാൻ- എ ഗ്രേഡ്, മുശാഅറ- ഫാത്തിമത്ത് ഷിഫ- എ ഗ്രേഡ്, ഉപന്യാസം- ഫാത്തിമത്ത് സൽവ- എ ഗ്രേഡ്, പോസ്റ്റർ നിർമ്മാണം- ഫാത്തിമത്ത് നാഫില- എ ഗ്രേഡ്, തർജമ (അറബിക്)-ഫാത്തിമത്ത് സല്‌‍വ

ക്രിയാത്മ കൗമാരം കരുത്തും കരുതലും(13/10/2025)

 സ്കൂൾ ടീൻസ് ക്ലബ്ബിന്റെ നേതൃത്വത്തിൽ ഹൈസ്കൂൾ വിഭാഗത്തിലെ കുട്ടികൾക്കായി കൗമാര ബോധവത്കരണ ക്ലാസ്സ് സംഘടിപ്പിച്ചു, നീലേശ്വരം ഗവ. ആയുർവേദ ഡിസ്പെൻസറിയിലെ മെഡിക്കൽ ഓഫീസർ ഡോ. ജി കെ സീമ ക്ലാസ്സ് കൈകാര്യം ചെയ്തു. സീനിയർ അധ്യാപകൻ കെ വി പത്മനാഭൻ അധ്യക്ഷത വഹിച്ചു. ടീൻസ് ക്ലബ്ബ് കൺവീനർ സീനീയ ജോസഫ് സ്വാഗതവും സ്റ്റാഫ് സെക്രട്ടറി റീന വി നന്ദിയും പറഞ്ഞു. 

 

ലിറ്റിൽ കൈറ്റ്സ് പ്രിലിമിനറി ക്യാമ്പ്(03/10/2025)

 3/10/2025 വെള്ളിയാഴ്ച ലിറ്റിൽ കൈറ്റ്സ് 2025 - 28 ബാച്ചിലെ കുട്ടികൾക്ക് പ്രിലിമിനറി ക്യാമ്പ് നടന്നു. കാസർഗോഡ് കൈറ്റ് മാസ്റ്റർ കോർഡിനേറ്റർ ശ്രീ മനോജ് കുമാർ ക്ലാസ്സ് കൈകാര്യം ചെയ്തു. ഹെഡ്മാസ്റ്റർ കെ സന്തോഷ് ക്യാമ്പ് ഉത്ഘാടനം ചെയ്തു. ലിറ്റിൽ കൈറ്റ്സ് അംഗങ്ങളുടെ ചുമതലകളും ഉത്തരവാദിത്വങ്ങളും ബോധ്യപ്പെടുത്തുക, പ്രവർത്തന പദ്ധതികളെക്കുറിച്ച് പൊതു ധാരണ നൽകുക, ഹൈടെക് ക്ലാസ് മുറികളിലെ പിന്തുണാ പ്രവർത്തനങ്ങൾ ഏറ്റെടുക്കുന്നതിന് അംഗങ്ങളെ സജ്ജമാക്കുക, ലിറ്റിൽ കൈറ്റ്സിന്റെ പ്രവർത്തനങ്ങളിൽ രക്ഷിതാക്കളുടെ പങ്കാളിത്തം ഉറപ്പുവരുത്തുക നിത്യജീവിതത്തിൽ ഇന്റർനെറ്റിന്റെ സ്വാധീനത്തെ കുറിച്ചും പദ്ധതിയുടെ രൂപീകരണ പശ്ചാത്തലം, പദ്ധതിയുടെ പ്രസക്തി, സ്ക്രാച്ച് , ആനിമേഷൻ സങ്കേതങ്ങളുടെ പരിചയപ്പെടൽ, റോബോട്ടിക്സിന്റെ പ്രാഥമിക കാര്യങ്ങൾ എന്നിവ ക്യാമ്പിൽ അവതരിപ്പിച്ചു. കൈറ്റ് മിസ്ട്രസ്സ് റീന വി, കൈറ്റ് മാസ്റ്റർ കെ നന്ദകുമാർ‌ എന്നിവർ സംസാരിച്ചു. ഉച്ചയക്ക് 2 മണിക്ക് രക്ഷിതാക്കൾക്കുള്ള ക്ലാസ്സും നടന്നു 

 

'സകല കല'സ്കൂൾ കലോത്സവം

 

ഈ വർഷത്തെ കലോത്സവം "സകല കല" 2025 സെപ്തംബർ ,25 ,26തീയതികളിൽ ആയി നടത്തി. 
പരിപാടിയുടെ ഔപചാരികമായ ഉദ്ഘാടനം പ്രശസ്ത കലാകാരനും കൂടാളി ഗവൺമെൻറ് 
ഹൈസ്കൂളിലെ സംസ്കൃത അധ്യാപകനുമായ കൃഷ്ണനുണ്ണി സി എസ് നിർവഹിച്ചു.പിടിഎ 
പ്രസിഡൻറ് എ വി മധു അധ്യക്ഷത വഹിച്ചു.പ്രധാന അധ്യാപകൻ കെ സന്തോഷ് സ്വാഗതം 
പറഞ്ഞു.കെ വി പത്മനാഭൻ സീനിയർ അസിസ്റ്റൻറ്,സ്റ്റാഫ് സെക്രട്ടറി റീന വി കെ 
,എസ് എം സി വൈസ് ചെയർമാൻ കെ ജയകുമാർ,മദർ പി ടി എ പ്രസിഡൻറ് അമ്പിളി 
സജീവൻഎന്നിവർ പരിപാടിക്ക് ആശംസകൾ നേർന്നു.കലോത്സവ കൺവീനർ കെ വി മനോജ് കുമാർ
 നന്ദി അറിയിച്ചു.

സോഫ്റ്റ് വെയർ സ്വാതന്ത്രദിനം

 സ്വതന്ത്ര സോഫ്റ്റ്‌വെയർദിനാചരണത്തിന്റെ ഭാഗമായി 22/09/25ന് സ്കൂൾ അസംബ്ലി സംഘടിപ്പിച്ചു.ഹെഡ്മാസ്റ്റർ കെ സന്തോഷ് സ്വതന്ത്ര സോഫ്റ്റ്‌വെയറിനെ കുറിച്ചുള്ള കാര്യങ്ങൾ വിശദീകരിച്ചു കൊടുത്തു.തുടർന്ന് കൈറ്റ് മിസ്ട്രസ് വി റീന സ്വതന്ത്ര സോഫ്റ്റ്‌വെയർ ദിനാചരണത്തിന്റെ പ്രാധാന്യത്തെക്കുറിച്ച് സംസാരിച്ചു.ലിറ്റിൽ കൈറ്റ്സ് ലീഡർ സനൂജ കേളു നായർ സോഫ്റ്റ്‌വെയർ ദിനാചരണ പ്രതിജ്ഞ ചൊല്ലിക്കൊടുത്തു. തുടർന്ന് സ്കൂളിൽ ഡിജിറ്റൽ പോസ്റ്റർ നിർമ്മാണ മത്സരം നടന്നു. രണ്ടുമണിക്ക് സ്വതന്ത്ര സോഫ്റ്റ്‌വെയർ സെമിനാറിൽ കൈറ്റ് കുട്ടികൾ പങ്കെടുത്തു. 

 

സ്കൂൾ ഒളിംപിക്സ് (19/09/2025)

 ഈ വർഷത്തെ സ്കൂൾ ഒളിംപിക്സ് സെപ്തംബർ 19, 20 വെള്ളി ശനി ദിവസങ്ങളിൽ നടന്നു . പി ടി എ പ്രസിഡന്റ് എ വി മധുവിന്റെ അധ്യക്ഷതയിൽ ഗ്രാമപഞ്ചായത്ത് മെമ്പർ അഡ്വ. ഷീജ ഉത്ഘാടനം ചെയ്തു. മദർ പി ടി എ പ്രസിഡന്റ് അമ്പിളി സജീവൻ, എസ് എം സി ചെയർമാൻ ടി പി ഫാറൂഫ്, കെ വി പത്മനാഭൻ, പി പ്രമോദിനി, വി കെ ഭാസ്കരൻ എന്നിവർ ആശംസകളർപ്പിച്ച് സംസാരിച്ചു. ഹെഡ്മാസ്റ്റർ കെ സന്തോഷ് സ്വാഗതവും സ്റ്റാഫ് സെക്രട്ടറി വി കെ റീന നന്ദിയും പറഞ്ഞു. രണ്ട് ദിവസങ്ങളിലായി നടന്ന കായികമേളയിൽ കുട്ടികൾ മൂന്ന് ഹൗസുകളായി തിരിഞ്ഞ് മത്സരിച്ചു. ഗ്രീൻ ഹൗസ് ഒന്നാം സ്ഥാനവും, ബ്ലൂ ഹൗസ് രണ്ടാം സ്ഥാനവും, റെഡ് ഹൗസ് മൂന്നാം സ്ഥാനവും നേടി. 

 

ഓണാഘോഷം

 

ഈ വർഷത്തെ ഓണാഘോഷം 29/08/25ന് വിവിധ പരിപാടികളോടെ ആഘോഷിച്ചു. രാവിലെ 9 മണിക്ക് പൂക്കളമത്സരം ആരംഭിച്ചു. തുടർന്ന് പ്രീപ്രൈമറി . എൽ പി , യു പി, ഹൈസ്കൂൾ വിഭാഗം കുട്ടികൾക്കായി വിവധ മത്സരങ്ങൾ നടന്നു. കുട്ടികളുടെ ഓണപ്പാട്ടുകളും , പ്രീപ്രൈമറി , എൽ പി വിഭാഗം കുട്ടികൾ ഓണപ്പാട്ടിനനുസരിച്ച് ന‍ൃത്തം വച്ചതും പരിപാടിക്ക് കൊഴുപ്പേകി. ഹൈസ്കൂൾ വിഭാഗം കുട്ടികൾക്ക് സുന്ദരിക്ക് പൊട്ടുതൊടൽ , ഹാറ്റ് ചെയ്ഞ്ച് തുടങ്ങിയ മത്സരങ്ങളും , യു പി വിഭാഗത്തിന് കസേരകളി, കുപ്പിയിൽ വെള്ളം നിറക്കൽ, എൽ പി വിഭാഗത്തിന് മഞ്ചാടി പറക്കൽ, തൊപ്പിക്കളി എന്നിവയും നടന്നു. പി ടി എ അംഗമായ ശ്രീ കുഞ്ഞികണ്ണൻ സ്കൂൾ സ്റ്റാഫ് ചന്ദ്രൻ, മേരികുട്ടി എന്നിവർ ഓണപ്പാട്ടുകൾ ആലപിച്ചു. തുടർന്ന് വിഭവസമ‍ൃദ്ധമായ സദ്യ നടന്നു.

എസ് പി സി ത്രിദിന ക്യാമ്പ്

 മൂന്നു ദിവസങ്ങളിലായി നടന്ന എസ് പി സി ക്യാമ്പ് ഉദ്ഘാടനം ചെയ്ത്ശ്രീ ഷൈൻ കെ പി ( എസ് എച്ച് ഒ അമ്പലത്തറ പോലീസ് സ്റ്റേഷൻ),സംസാരിച്ചു.ഹെഡ്മാസ്റ്റർ കെ സന്തോഷ് അധ്യക്ഷനായിരുന്നു. പി ടി എ പ്രസിഡൻറ് കെ വി മധു എസ് എം സി ചെയർമാൻ ഫാറൂഖ് ടി പി ,മദർ പി ടി എ പ്രസിഡൻറ് അമ്പിളി സജീവൻ എന്നിവർ ചടങ്ങിൽ പങ്കെടുത്തു . ഓഗസ്റ്റ് 28 29 ,30 ദിവസങ്ങളിലായി നടന്ന ക്ലാസ്സിൽ ഫയർ ആൻഡ് റെസ്ക്യൂ ഓഫീസർ ശ്രീ ഷിജു കെ ഡിസാസ്റ്റർ ആൻഡ് സേഫ്റ്റി എന്ന വിഷയത്തിലും, സിവിൽ പോലീസ് ഓഫീസർ ശ്രീ വിനോദ് കോടോത്ത് സൈബർ ക്രൈം എന്ന വിഷയത്തിലും, ഇംപാക്ട് ഓഫ് ഡ്രസ്സ് ആൻഡ് നീഡ് ഓഫ് സോഷ്യൽ വാല്യൂസ് എന്ന വിഷയത്തിൽ റിട്ടയേർഡ് എക്സൈസ് ഓഫീസർ ശ്രീരഘുനാഥും ,പേഴ്സണൽ വാല്യൂസ് ആൻഡ് സ്റ്റുഡൻസ് എംപവർവെൽഡിങ് എന്ന വിഷയത്തിൽ ശ്രീ ബിനീഷ് കെ വി മുഴക്കോം,റോൾ ഓഫ് ഗെയിംസ് ആൻഡ് ആക്ടിവിറ്റി ഓറിയന്റേഷൻ എന്ന വിഷയത്തിൽ ശ്രീ മധുകൊടക്കാടും ക്ലാസ് എടുത്തു. മൂന്നു ദിവസങ്ങളിലായി നടന്ന ക്ലാസ്സ് കുട്ടികൾക്ക് വളരെ ഉപകാരപ്രദമായിരുന്നു. ഒരു നല്ല എസ് പി സി യെ വാർത്തെടുക്കുന്നതിൽ ഈ ക്യാമ്പ് ഒരു നിർണായക പങ്കുവഹിക്കും എന്നതിൽ സംശയമില്ല.

സ്ക്രീൻ അഡിക്ഷൻ ബോധവത്കരണ ക്ലാസ്സ്

 

ലിറ്റിൽ കൈറ്റ് അംഗങ്ങളുടെ നേതൃത്വത്തിൽ 26/08/25 സ്ക്രീൻ അഡിക്ഷൻ എന്ന വിഷയത്തിൽ ബോധവൽക്കരണ ക്ലാസ് നടത്തി ഏഴാം ക്ലാസിലെ കുട്ടികൾക്ക് വേണ്ടിയാണ് ക്ലാസ് നടത്തിയത് .ഇവാൻ സിബി, ആൻറണി, ജെറോംസോജൻ എന്നിവർ ചേർന്ന് സ്ലൈഡ് തയ്യാറാക്കുകയും ആവശ്യങ്കർ ഫാത്തിമ എ ഫാത്തിമ എം ഫാത്തിമ എന്നിവർ ചേർന്ന് ക്ലാസ് എടുക്കുകയും ചെയ്തു.ഹെഡ്മാസ്റ്റർ കെ സന്തോഷ് ഉദ്ഘാടനം ചെയ്തു. കൈറ്റ്മാസ്റ്റർ കെ നന്ദകുമാർ മിസ്ട്രസ് റീന വി എന്നിവർ ആശംസ അർപ്പിച്ചു

അധ്വാനത്തിന്റെ സുഗന്ധം തേടി സീഡ് കുട്ടികൾ(26/08/25)

 ഓണാവധി അധ്വാനിച്ച് ആസ്വദിക്കാനുള്ള തയ്യാറെടുപ്പിലാണ് സീഡ് കുട്ടികൾ. മൊബൈൽ ഫോണിലും മറ്റ് സ്ക്രീനുകളിലും മുഴുകി അലസരായി മാറുന്ന കുട്ടികൾക്ക് പകരം അധ്വാനശീലരായ കുട്ടികളെ വാർത്തെടുക്കുക എന്ന ലക്ഷ്യത്തോടെ സ്കൂൾ സീഡ് യൂണിറ്റ് ചെറുകിട സംരംഭങ്ങളായ സോപ്പ് നിർമ്മാണം, ഫീനോയിൽ നിർമ്മാണം എന്നിവ പരിശീലിപ്പിച്ചു. പ്രഥമാധ്യാപകൻ കെ സന്തോഷ് പരിശീലനം ഉദ്ഘാടനം ചെയ്തു. അധ്യാപകരായ കെ. നന്ദകുമാർ, സീഡ് കോർഡിനേറ്റർ റീന.വി, സീഡ് ക്യാപ്റ്റൻ അനഘ എ.എം എന്നിവർ നേതൃത്വം നൽകി. സീനിയർ അധ്യാപകൻ കെ.വി പത്മനാഭൻ സീനിയ ജോസഫ്, റീന. വി.കെ, ശ്രുതി എന്നിവരും 30 കുട്ടികളും പങ്കെടുത്തു.

സ്വാതന്ത്ര ദിനാഘോഷം

 ഇന്ത്യയുടെ എഴുപത്തി ഒൻപതാമത് സ്വാതന്ത്ര്യദിനം സമുചിതമായി ആഘോഷിച്ചു. രാവിലെ 9.30ന് ദേശീയപതാക ഉയർത്തി. തുടർന്ന് ഹെഡ്മാസ്റ്റർ കെ സന്തോഷ് സ്വാതന്ത്ര്യ ദിന സന്ദേശം നല്കി. പി ടി എ പ്രസിഡന്റ് കെ വി മധു, എസ് എം സി ചെയർമാൻ ഫാറൂഖ് ടി പി എന്നിവർ സംസാരിച്ചു. തുടർന്ന് എൽ പി , യു പി വിഭാഗം കുട്ടികളുടെയും ബുൾ ബുൾ യൂണിറ്റിന്റെയും ഡിസ്‍പ്ലേയും കുട്ടികളുടെ കലാപരിപാടികളും അരങ്ങേറി. പന്ത്രണ്ട് മണിക്ക് പായസ വിതരണത്തോട് കൂടി ചടങ്ങുകൾ അവസാനിച്ചു.

സ്കൂൾ പാർലമെന്റ് ഇലക്ഷൻ

 

ഈ വർഷത്തെ സ്കൂൾ പാർലമെൻറ് തിരഞ്ഞെടുപ്പ് ആഗസ്റ്റ് 14 ന് രാവിലെ 10 മണിക്ക് നടന്നു. കുട്ടികളിൽ ജനാധിപത്യബോധം വളർത്തുന്ന രീതിയിലാണ് തിരഞ്ഞെടുപ്പ് നടന്നത്. കുട്ടികൾ തന്നെ പ്രിസൈഡിങ്ങ് ഓഫീസറും പോളിങ്ങ് ഓഫീസർമാരുമായി. എസ് പി സി കാഡറ്റുകൾ സുരക്ഷാ ഉദ്യോഗസ്ഥന്മാരായി. പതിനൊന്ന് മണിയോടെ തിരഞ്ഞെടുപ്പിന് ശേഷം വോട്ടെണ്ണി വിജയികളെ പ്രഖ്യാപിച്ചു. ഉച്ചയ്ക്ക് സ്കൂൾ അസംബ്ലി ഹാളിൽ വച്ച് നടന്ന സത്യപ്രതിജ്ഞ ചടങ്ങിൽ താഴെപ്പറയുന്നവർ ഭാരവാഹികളായി സത്യപ്രതിജ്ഞ ചെയ്തു. സ്കൂൾ ലീഡർ ക്രിസ്റ്റി ഷിനോ വർഗീസിനേയും അസിസ്റ്റൻറ് ലീഡറായി വൈഗ വി വി യെയും ഫൈൻ ആർട്സ് സെക്രട്ടറിയായി മേധാകൃഷ്ണനെയും ജോയിൻ സെക്രട്ടറി കൃഷ്ണദേവിനെയും തെരഞ്ഞെടുത്തു. സ്പോർട്സ് സെക്രട്ടറിയായി ഇവാനിയ കെ വിയും ജോയിന്റ് സ്പോർട് സെക്രട്ടറിയായി ആനന്ദ് പിയും തിരഞ്ഞെടുക്കപ്പെട്ടു.