ശ്രീനിവാസൻ മാഷിൻ്റെ സ്നേഹ സമ്മാനം

കാലിച്ചാനടുക്കം സ്ക്കൂളിൽ മാവിൻതൈ നട്ട് ശ്രീനിവാസൻ മാഷുടെ സ്നേഹസമ്മാനം.
2003-09 കാലയളവിൽ ഗവ ഹൈസ്ക്കൂളിൽ സോഷ്യൽ സയൻസ് അധ്യാപകനായി ജോലി ചെയ്ത എ.പി.ശ്രീനിവാസൻ മാസ്റ്റർ എസ് എസ് എൽ സി പരീക്ഷയുടെ ഡെപ്യൂട്ടി ചീഫ് സുപ്രണ്ടായി ജോലി ചെയ്യാനെത്തിയപ്പോഴാണ് വിദ്യാലയത്തിനോടുള്ള സ്നേഹം പരിസ്ഥിതി പ്രവർത്തനമായി മാറിയത്.തൻ്റെ ഒപ്പം ജോലി ചെയ്യാനെത്തിയ അസിസ്റ്റൻ്റ് സൂപ്രണ്ട് മാരൊപ്പം വിദ്യാലയാങ്കണത്തിൽ ഒരു നാടൻ മാവിൻതൈ അദ്ദേഹം നട്ടു. ഇപ്പോൾ ഗവ ഹയർ സെക്കൻ്ററി സ്ക്കൂൾ ചായ്യോത്താണ് അദ്ദേഹം ജോലി ചെയ്യുന്നത്.പ്രധാനാധ്യാപകൻ കെ.ജയചന്ദ്രൻ, ഓഫീസ് ജീവനക്കാരൻ കെ രവി എന്നിവരും ഒപ്പം ചേർന്നു.

പഠനോത്സവം

ഹോസ്ദുർഗ്ഗ് ഉപജില്ലാ പഠനോത്സവം ഗവ ഹൈസ്ക്കൂൾ കാലിച്ചാനടക്കത്ത് നടന്നു.
കുട്ടികളുടെ പഠന മികവ് പൊതുജനങ്ങൾക്ക് മുമ്പിൽ പ്രദർശിപ്പിച്ച് കാലിച്ചാനടുക്കം സ്ക്കൂളിൽ നടന്ന ഹോസ്ദുർഗ്ഗ് സബ് ജില്ലാതല പ0 നോത്സവം മികച്ചതായി .സ്കിറ്റ്, നാടകം, പാഠ ഭാഗങ്ങളുടെ രംഗാവതരണം, കവിത, ഗണിത പസിൽ, ശാസ് പരീക്ഷണങ്ങൾ ,അറബിക് കവിതാലാപനം തുടങ്ങി വൈവിധ്യമാർന്ന പരിപാടികളാണ് കുട്ടികൾ അവതരിപ്പിച്ചത്.അടുക്കം, ആനപ്പെട്ടി ,മൂപ്പിൽ ,വേങ്ങച്ചേരി എന്നീ കേന്ദ്രങ്ങളിൽ തുടർന്ന് പരിപാടി നടന്നു. രക്ഷിതാക്കളുടെയും നാട്ടുകാരുടെയും സഹകരണവും സാന്നിധ്യവും പരിപാടി മികച്ചതാക്കി. സബ് ജില്ലാതല പരിപാടിയുടെ ഉദ്ഘാടനം കോടോംബേളൂർ ഗ്രാമപഞ്ചായത്ത് പ്രസിഡൻ്റ് സി. കുഞ്ഞിക്കണ്ണൻ നിർവഹിച്ചു.പരപ്പ ബ്ലോക്ക് വൈസ് പ്രസിഡൻ്റ് പി.വി.തങ്കമണി മുഖ്യാതിഥിയായി. എ ഇ ഒ പി.വി.ജയരാജ് പദ്ധതി വിശദീകരിച്ചു. എസ്എംസി ചെയർമാൻ സി.മധു അധ്യക്ഷനായി.വാർഡ് മെമ്പർ എം.അനീഷ് കുമാർ ,മദർ പി ടി എ പ്രസിഡൻ്റ് സി.ജയശീ, ബി.പി.സി. പി.വി.ഉണ്ണിരാജ്  എന്നിവർ ആശംസ നേർന്നു. പ്രധാനാധ്യാപകൻ കെ.ജയചന്ദ്രൻ സ്വാഗതവും സ്റ്റാഫ് സെക്രട്ടറി കെ.വി.പത്മനാഭൻ നന്ദിയും പറഞ്ഞു.

സിനിമാ പ്രകാശനം

ശ്രീമതി ശാന്തമ്മ ഫിലിപ്പ് നിർവഹിച്ചു'

and

പ്രകൃതിയെയറിഞ്ഞ് കാലിച്ചാനടുക്കം സീഡ് കുട്ടികൾ

സസ്യാരോഗ്യ വർഷത്തിൽ നാട്ടുമാവിൻ തൈ നട്ടു

സസ്യാര്യോഗ്യ വർഷത്തിൽ
നാട്ടുമാവിൻ തൈ നട്ട് കാലിച്ചാനടുക്കം ഗവ ഹൈസ്ക്കൂൾ ..
കാലിച്ചാനടുക്കം ..
പരിസ്ഥിതി സംരക്ഷണത്തിന്റെ പ്രാധാന്യം വ്യക്തമാക്കി കൊണ്ട് ഐക്യരാഷ്ട്രസഭ 2020നെ സസ്യാരോഗ്യ വർഷമായി പ്രഖ്യാപിച്ചിരിക്കുകയാണ്. പരിസ്ഥിതി സംരക്ഷണത്തിൽ മരങ്ങളുടെ പ്രാധാന്യം വ്യക്തമാക്കുന്നതിന് നിരവധി പ്രവർത്തനങ്ങളാണ് കാലിച്ചാനടുക്കം പരിസ്ഥിതി ക്ലബ്ബ് ഏറ്റെടുത്ത് ചെയ്യുന്നത്. മുഴുവൻ ജീവനക്കാർക്കും പുതുവത്സര  സമ്മാനമായി നല്കിയപ്പോൾ സുമയ്യ എം നു കിട്ടിയ മാവിൻതൈ പ്രധാനാധ്യാപകൻ കെ. ജയചന്ദ്രൻ വിദ്യാലയ വളപ്പിൽ നട്ട് ഈ വർഷത്തെ പരിസ്ഥിതി പ്രവർത്തനങ്ങൾക്ക് ആരംഭം കുറിക്കുന്നു. സീനിയർ അസിസ്റ്റന്റ് എം.വി ആശ, സ്റ്റാഫ് സെക്രട്ടറി കെ.വി.പത്മനാഭൻ ,കെ രവി ,കെ സന്തോഷ് ,വി.റീന എന്നിവർ നേതൃത്വം നൽകി.

Seed Honesty Shop

കൈനിറയെ സമ്മാനവുമായി നവവത്സരദിനത്തിൽ

കൈ നിറയെ സമ്മാനവുമായി നവവത്സരദിനത്തിൽ ..
പുതുവത്സരദിനത്തിൽ മുഴുവൻ സ്റ്റാഫ് അംഗങ്ങൾക്കും കൈ നിറയെ സമ്മാനങ്ങൾ നല്കി ഗവ ഹൈസ്ക്കൂൾ കാലിച്ചാനടുക്കം. സ്റ്റാഫ് അംഗങ്ങളുടെ വകയായുള്ള പുതുവത്സര പരിപാടികൾ പ്രധാനാധ്യാപകൻ കെ.ജയചന്ദ്രൻ കേക്ക് മുറിച്ച് ഉദ്ഘാടനം ചെയ്തു. സ്റ്റാഫ് സെൂട്ടറി പി.വി.പത്മനാഭൻ സ്വാഗതം പറഞ്ഞു. സീനിയർ അസിസ്റ്റന്റ് എം.വി.ആശ ആശംസ അർപ്പിച്ച് സംസാരിച്ചു. ചടങ്ങിൽ വെച്ച് മികച്ച സേവനത്തിന് ഓഫീസ് സ്റ്റാഫ് അംഗം കെ രവിയെ അനുമോദിച്ചു.

പ്ലാസ്റ്റിക് മുക്ത ക്യാമ്പസിലേക്ക് ഒരു ചുവട്

പ്ലാസ്റ്റിക്ക് മുക്ത ക്യാമ്പസിലേക്ക് ഒരു ചുവട് .
കാലിച്ചാനടുക്കം:
പുതുവർഷം പ്ലാസ്റ്റിക്ക് മുക്ത ക്യാമ്പസാക്കണം എന്ന പൊതു വിദ്യാഭ്യാസ വകുപ്പിന്റെ നിർദ്ദേശം നടപ്പിലാക്കുന്നതിന്റെ ഭാഗമായി അവശേഷിക്കുന്ന മുഴുവൻ പ്ലാസ്റ്റിക്കും ശേഖരിച്ച് പുതിയ വർഷത്തെ വരവേല്ക്കാനൊരുങ്ങുകയാണ് കാലിച്ചാനടുക്കം സ്ക്കൂൾ.പി ടി എ അംഗങ്ങളും പ്രധാനാധ്യാപകനും അധ്യാപകരും നേതൃത്വം നൽകി.

ക്രിസ്തുമസ് ആഘോഷം

പുൽക്കൂടും ക്രിസ്തുമസ് ചിത്രവുമായി കാലിച്ചാനടുക്കം പ്രീ പ്രൈമറി കുട്ടികൾ:
 ക്രിസ്തുമസിനെ വരവേൽക്കാൻ കാലിച്ചാനടുക്കം പ്രീ പ്രൈമറി കുട്ടികളും അധ്യാപകരും രക്ഷിതാക്കളും ഒരുങ്ങി .ക്രിസ്തുമസ് ആഘോഷത്തിന്റെ ഭാഗമായി പുൽക്കൂട് നിർമ്മാണം,ചിത്രം വര, നിറം നൽകൽ, ക്രിസ്തുമസ് ഗാനാലാപനം ,ക്രിസ്തുമസ് അപ്പൂപ്പന്റ വേഷം കെട്ടൽ തുടങ്ങി വിവിധയിനം പരിപാടികളിലൂടെ ക്രിസ്തുമസ് ആഘോഷം അതിവിപുലമായി നടത്തി. കേക്ക് മുറിച്ച്‌ ഈ പരിപാടിയുടെ ഉദ്ഘാടനം ഹെഡ്മാസ്റ്റർ കെ.ജയചന്ദ്രൻ നടത്തി. സീനിയർ അസിസ്റ്റന്റ് എം.വി.ആശ  സ്വാഗതം പറഞ്ഞു. പ്രീ പ്രൈമറി അധ്യപിക കെ ശ്രീജ നന്ദി പറഞ്ഞു. പ്രീ പ്രൈമറി എക്സിക്യൂട്ടീവ് കൺവീനർ കെ.വി.പ്രമീഷ് അധ്യാപികമാരായ സി.വിനീത ,കെ.സെമീറ, പി.വി.മഞ്ജുഷ എന്നിവരും എക്സിക്യൂട്ടീവ് അംഗങ്ങളും നേതൃത്വം നൽകി.

ഊർജ്ജസംരക്ഷണ പ്രതിജ്ഞ

ഡിസമ്പർ 14
ഊർജ സംരക്ഷണ ദിനം
പ്രതിജ്ഞ

ഗ്രഹണ നിരീക്ഷണ ക്ലാസ്

ഗ്രഹണ നിരീക്ഷണ ക്ലാസ്സുമായി കാലിച്ചാനടുക്കം സ്ക്കൂളും പൊതുജന വായനശാലയും:
കാലിച്ചാനടുക്കം :-
കാലിച്ചാനടുക്കം പൊതുജന വായനശാല ,ഗവ ഹൈസ്ക്കൂൾ കാലിച്ചാനടുക്കം എന്നിവയുടെ സംയുക്താഭിമുഖ്യത്തിൽ ഗ്രഹണ നിരീക്ഷണ ക്ലാസ്സ്  സംഘടിപ്പിച്ചു.
ക്യാമ്പ് കോ ഓർഡിനേറ്റർ പി.ശ്രീ കല സ്വാഗതം പറഞ്ഞു. പ്രധാനാധ്യാപകൻ കെ.ജയചന്ദ്രൻ അധ്യക്ഷത വഹിച്ചു.കാലിച്ചാനടുക്കം പൊതുജന വായനശാല രക്ഷാധികാരി എം.വി.കുഞ്ഞമ്പു പരിപാടി ഉദ്ഘാടനം ചെയ്തു. ശാസ്ത്ര അധ്യാപിക പി.വി.ദീപ ഗ്രഹണ കാഴ്ചയെ കുറിച്ചും ഗ്രഹണ നിരീക്ഷണ കണ്ണട നിർമാണത്തെ കുറിച്ചും ക്ലാസ്സ് എടുത്തു.26 ന് നടക്കുന്ന ഗ്രഹണ നിരീക്ഷണം സ്റ്റെല്ലേറിയം സോഫ്റ്റ് വെയർ ഉപയോഗിച്ച് എം.വി.ആശ ക്ലാസ്സ് എടുത്തു.
സ്റ്റാഫ് സെക്രട്ടറി പി.വി.പത്മനാഭൻ ആശംസ നേർന്നു.

നല്ല പാഠം ചേന വിളവെടുപ്പ്

സീഡിൽ നൂറുമേനി വിളവ്

മാതൃഭൂമി സീഡ് ക്ലബ്ബ് നൽകിയ വിത്തിൽ നൂറുമേനി:

കാലിച്ചാനടുക്കം:

മാതൃഭൂമി സീഡ്  ജില്ലാതല വിത്ത് വിതരണത്തിന്റെ ഭാഗമായി ലഭിച്ച വെണ്ട, പയർ, ചീര ഇവയുടെ വിളവെടുപ്പിൽ നൂറുമേനി.100 ഗ്രോബാഗിൽ  ടെറസ്സിന്റെ മുകളിലും ചാക്കുകളിൽ നിലത്തുമായി

 ആരംഭിച്ച

 കൃഷിയിൽ നല്ല വിളവ് ലഭിച്ചു. കുട്ടികൾ കൃഷിയുടെ സ്വാദ് ഉച്ചഭക്ഷണത്തിന്റെ കറിയിലൂടെ നുണഞ്ഞു.പച്ചക്കറിയുടെ വിളവെടുപ്പ്

 ഉദ്ഘാടനം പ്രധാനാധ്യാപകൻ കെ.ജയചന്ദ്രൻ  നിർവഹിച്ചു. സീനിയർ അസിസ്റ്റന്റ് എം.വി.ആശ അധ്യക്ഷത വഹിച്ചു. സീഡ് കോ ഓർഡിനേറ്റർ വി റീന സ്വാഗതം പറഞ്ഞു.കെ. രവി, വി.കെ.ഭാസ്കരൻ, കെ.ടി.ബേബി തുടങ്ങിയവർ സംബന്ധിച്ചു.